Projects

Paper Gallery x Kartoline nga Kosova

Po e përmbyllim vitin 2020 me një bashkëpunim mes Paper Gallery dhe Kartoline nga Kosova me një seri të kartolinave ku janë të paraqitura 4 illustrime të 4 institucioneve të rëndësishme kulturore në Prishtinë. Këto kartolina janë një dhuratë nga Paper Gallery për vizitorët tanë që ta mbajnë gjithmonë me vete një kujtim të artit dhe Prishtinës.

DAM FESTIVAL

AFËR II

AFËR II 1 musician, 1 listener
Another noise for flute and electronics
Nina Shala – flute
Memli Kelmendi – electronics

PAPER GALLERY – Prishtina

“AFËR II” është performancë për një muzikant dhe një dëgjues. Seria e koncerteve “Një muzikant, një dëgjues” nisi si prolog i edicionit të 15-të të Festivalit DAM, në “Lumbardh” (Prizren). Ky format i koncerteve erdhi si domosdoshmëri për të rimenduar prezantimin e programit të festivalit në pamundësi për të zhvilluar programin e parashikuar me shpresë për lirim masash dhe kthim në normalitet.

Një muaj më vonë “eksperimentin” po e zhvendosim në një hapësirë të re në kryeqytet. Flautistja Nina Shala do ta mirëpresë në një hapësirë të “Paper Gallery” vetëm një person në publik, i cili do ta dëgjojë për 7 minuta interpretimin e veprës “Another noise” nga Memli Kelmendi. Kur organizimi i koncerteve ka ndryshuar formë – raporti, një në një brenda një hapësire të vogël, vjen si provokim për hapësirën e ngushtuar të veprimit për muzikantë në kohën e COVID-19. Nga jashtë muzika mund të dëgjohet, por muzikanti dhe dëgjuesi nuk duken, duke krijuar kështu një raport të afrimit – në kohën kur distanca është refreni i përditshmërisë sonë. Pas përfundimit të interpretimit, publiku ftohet të ndajë në disa rreshta udhëtimin sonor. Pas kësaj i lë vendin personit në radhë për një eksplorim tingullor dhe dialog mes flautit dhe tingujve elektronikë.

/*.DAM */